***तीन रंगक पताका***

तीन रंगक पताका फहरायब आकाश मे .

ताधरि लड़ब जाधरि ताकत अछि साँस मे .

नुका गेला माँ-बाबु एखने बदलि लहाश मे ,

जान पर खेल रोक लगेलौँ दुश्मनक विकाश मे ,

कतेक नव कनियाँ भ' गेली विधवा ,

मुदा खुश छथि उज्जर लिवाश मे ,

आइ 1947 अगस्त पनरह आजादी भेट गेलै ,

धरती सजल लागै जेना मधुमास मे ,

आइ 2012 मे फेर सँ गुलाम छी ,

भ्रष्टाचार ,घुसखोरी दहेजक आश मे ,

चोरी-डकैती.अपहरण बम धमाका ,

फसल छै सब लचारी कए फाँस मे ,

कहिया भेटत आजादी के सब लड़त ,

सेँध लागल "अमित" हमर विश्वास मे . . . । ।

गणतंत्र दिवसक शुभकामना ।

अमित मिश्र