Followers

Wednesday 2 November 2011

चमारक ऋण

 बहुत नमहर मोट पुरान रजिस्‍टर छैक
 चमार सभ कें संग मे
 हँ हँ सभ के संग मे छैक
 ककरो जिल्‍द रंगगर छैक
 ककरो सादा
 तहिना नव पुरान सेहो
 केओ छंद निछंद
 सभ्‍यासभ्‍य
 सभ पर छैक क्रोधक निशान
 कोनो कोनो मे प्रतिहिंसा क आगि ,लोहा ,पाथर
 केओ तर्कक साथ
 ई तर्क तर्कशास्‍त्रक उधार नइ
 विज्ञानक छैक
 आ कखनो फूले ,अंबेदकर
 कखनो कर्पूरीक फोटो
 सजा गेलइ ई रजिस्‍टर
 ई केओ चोरा नइ सकैत छैक
 केओ जरा गला नइ सकैत छैक
 एकर सभ शब्‍द
 चमार सभ के ह्रदय पर अंकित छैक
 पाथरक शब्‍द
 लोहाक शब्‍द
 कोनो आर भरिगर वस्‍तु होइ त कहब

No comments:

Post a Comment