मैथिली साहित्य आ मिथिलाक संस्कृति पर विमर्शक एकटा मंच ।प्राचीन गौरवशाली परंपराक पहचान आ नवीन प्रगतिशील मूल्यक निर्माण लेल एकटा लघु प्रयास ।
Followers
Monday, 31 December 2012
दिशा
दिशा सब खींचैत रहै अपना दिस
आ कोण सब रहै मुंह दूसैत
अपेक्षाक बिहाडि़ मे उधियेनै निश्चिते रहै
आ सम्बंध सभ मुंह फूलेने रहै अलगे
एमहर भूर सब भरेने नइ भराए
हवा छूबैत रहै जड़काला सन
तैयो मौसमक प्रशंसा केनए मजबूरी रहै
भविष्य कोनो खास नइ बूझाइतो
नया सालक स्वागत करैए पड़तै
नइ त' दोस महिम दुनिया जहान
की कहथिन
की कहथिन जे देखियौ त' हरदम कानिते रहैत छै
हरदम अलगे गीत गाबैत रहत
आ चुआबैत रहत उधारक नोर
आ कोण सब रहै मुंह दूसैत
अपेक्षाक बिहाडि़ मे उधियेनै निश्चिते रहै
आ सम्बंध सभ मुंह फूलेने रहै अलगे
एमहर भूर सब भरेने नइ भराए
हवा छूबैत रहै जड़काला सन
तैयो मौसमक प्रशंसा केनए मजबूरी रहै
भविष्य कोनो खास नइ बूझाइतो
नया सालक स्वागत करैए पड़तै
नइ त' दोस महिम दुनिया जहान
की कहथिन
की कहथिन जे देखियौ त' हरदम कानिते रहैत छै
हरदम अलगे गीत गाबैत रहत
आ चुआबैत रहत उधारक नोर
Sunday, 30 December 2012
Friday, 28 December 2012
बस माटि
सौरमंडल परहैत काल वौआ पूछलकै
कत्ते प्रेम हमरा सँ ?
जत्ते दम सँ ग्रह सब फिफिया रहल छै
सूर्यक पाछू जनम जनम सँ
आ हमरा लेल कोन व्यवस्था सोचने छहक ?
वौआ आइ तक कोनो ग्रह केकरो सँ टकरेलै
कहां केओ आगू पाछू केलकै
चालि ओतबे
सभक स्थान निश्चित
बस अपन दम सँ काज करैत रह
धक्का मुक्कीक एकोटा खबर हमरा त' नइ अछि
तोरा छौ त' बता
त' हम एत्ते प्रतिभाशाली ?
वौआ रै प्रकाश उधार नेने छै ग्रह
मौसम जलवायु सब सूरूजे महराजक
बस माटि तोरा संग छौ
बस माटि
कत्ते प्रेम हमरा सँ ?
जत्ते दम सँ ग्रह सब फिफिया रहल छै
सूर्यक पाछू जनम जनम सँ
आ हमरा लेल कोन व्यवस्था सोचने छहक ?
वौआ आइ तक कोनो ग्रह केकरो सँ टकरेलै
कहां केओ आगू पाछू केलकै
चालि ओतबे
सभक स्थान निश्चित
बस अपन दम सँ काज करैत रह
धक्का मुक्कीक एकोटा खबर हमरा त' नइ अछि
तोरा छौ त' बता
त' हम एत्ते प्रतिभाशाली ?
वौआ रै प्रकाश उधार नेने छै ग्रह
मौसम जलवायु सब सूरूजे महराजक
बस माटि तोरा संग छौ
बस माटि
Tuesday, 25 December 2012
प्रतिपदा आ समकालीनताक समस्या
प्रतिपदा सँ जुड़ल सब सदस्य आ लेखक ,कवि कें बधाई , आई ई एगारह सौ क' कांटा पार क' लेलक ,निश्चित रूपेण मैथिली साहित्य सँ जुड़ल कतेको समूह ऐ सँ बेशी झमोटगर अछि ,मुदा ओकर पात ,डांट फूल ,फल आ छायाक चिंता हमरा करबाक जरूरत नइ ।
प्रतिपदा कोनो विशेष प्रकाशन समूह ,लेखक वृन्द आ धाराक अगुआई नइ करैत छैक ,करबाक जरूरियो नइ बूझैत छैक ,ई सभ तरहक लेखक ,विधा आ शिल्प में अद्भुत आ अद्वितीयक आह्वान करैत छैक ।मतलब एहन कि देखिते बूझा जाए 'जा एहन त' कहियो देखबे नइ केने छलियइ ' ।मुदा ऐ अद्वितीयता मे तमाम तरहक संतुलन होएबाक चाही ,ई बात कहबाक जरूरी ऐ ठाम नइ । हां लेखन मे सभ तरहक भेडि़याधसानक हम विरोध करैत रहब ।विषयक ,भाषाक ,शैलीक ,विधाक आ आनोआन रूटीन एकदम निकृष्ट आ निषिद्ध रहत ।
किछु नया काज सेहो होएबाक चाही ।आ राघवेंद्र कुमार ठाकुर आ बाल मुकुंद पाठक सँ विशेष आग्रह कि ओ विधागत अभिनवता दिशि ध्यान दैत किछु नया जोड़बाक प्रयास करता ।आ ई आग्रह सभ गोटे सँ कि हरेक विषय आ विधा मे खूब पढ़ैथ तखने अभिनवता संभव ।
सभसँ जरूरी ई कि प्रतिपदाक गठन जइ उद्देश्य लेल भेल ओ एखनो अपेक्षिते अछि ।एहन साहित्य जइ मे मैथिल समाजक संपूर्ण चित्र होए, फोटोस्टेट आ कार्बनकॉपी नइ ,रचनात्मक रेखा आ वृत्त जइ मे अपेक्षित प्रत्यास्थता होए आ ओ तुलनात्मक रूपें (आनो भाषा आ साहित्य सँ) महत्वपूर्ण साबित होए ।मुदा निराश हेबाक जरूरी नइ छैक ,यात्रा त' आबे प्रारंभे भेल अछि..............
प्रतिपदा कोनो विशेष प्रकाशन समूह ,लेखक वृन्द आ धाराक अगुआई नइ करैत छैक ,करबाक जरूरियो नइ बूझैत छैक ,ई सभ तरहक लेखक ,विधा आ शिल्प में अद्भुत आ अद्वितीयक आह्वान करैत छैक ।मतलब एहन कि देखिते बूझा जाए 'जा एहन त' कहियो देखबे नइ केने छलियइ ' ।मुदा ऐ अद्वितीयता मे तमाम तरहक संतुलन होएबाक चाही ,ई बात कहबाक जरूरी ऐ ठाम नइ । हां लेखन मे सभ तरहक भेडि़याधसानक हम विरोध करैत रहब ।विषयक ,भाषाक ,शैलीक ,विधाक आ आनोआन रूटीन एकदम निकृष्ट आ निषिद्ध रहत ।
किछु नया काज सेहो होएबाक चाही ।आ राघवेंद्र कुमार ठाकुर आ बाल मुकुंद पाठक सँ विशेष आग्रह कि ओ विधागत अभिनवता दिशि ध्यान दैत किछु नया जोड़बाक प्रयास करता ।आ ई आग्रह सभ गोटे सँ कि हरेक विषय आ विधा मे खूब पढ़ैथ तखने अभिनवता संभव ।
सभसँ जरूरी ई कि प्रतिपदाक गठन जइ उद्देश्य लेल भेल ओ एखनो अपेक्षिते अछि ।एहन साहित्य जइ मे मैथिल समाजक संपूर्ण चित्र होए, फोटोस्टेट आ कार्बनकॉपी नइ ,रचनात्मक रेखा आ वृत्त जइ मे अपेक्षित प्रत्यास्थता होए आ ओ तुलनात्मक रूपें (आनो भाषा आ साहित्य सँ) महत्वपूर्ण साबित होए ।मुदा निराश हेबाक जरूरी नइ छैक ,यात्रा त' आबे प्रारंभे भेल अछि..............
Subscribe to:
Posts (Atom)