Followers

Saturday 26 November 2011

टिप्‍स फ्राम खट्टरकका

न्‍यूटनक नियम मे
किछु जोडि़ घटा देबहक
कोनो दोसर भाषा कोनो आन फांट मे
किछु शब्‍द बदलि के
क्रम बदलि के
तखन की
ओ नियम तोहर भ' जेत'
नइ ने
 मुदा साहित्‍य मे ई फ्राड खूब लोकप्रिय अछि
टीपू आ छपि जाउ
बूझलहो वौआ
आ केओ पकडि़ लए
तखन कहि दहो हम त' हुनका सँ प्रेरणा लेने छी
आ बूडि़भकुआ तैयो नइ मान'
तखन जोर सॅ बाजिह'
ओकर कान तीरैत
कानिह' खीजिह'
अपनो मुंह कान नोचैत
ओकरो केश टीक तीरने
साल दू साल त' बिताए देब'
साहित्‍यो विज्ञान होइछ
तावत केओ आन कतउ सँ टीपतइ
ओ मंच पर आबि जेतइ
आ फेर नया सिरा सँ तीरमतीरा प्रारंभ भ' जेतइ

No comments:

Post a Comment