ई फिल्म विज्ञानक अतिवाद आ प्रदूषणक महामारी सँ जूझैत मानव सभ्यता क एकटा दुखद पक्ष सँ परिचित करबैत छैक ।असह्य प्रदूषण सँ पीडि़त मानव समुदाय अपन बसेरा अंतरिक्ष मे बनबैत अछि आ धरती क रखरखाव क जिम्मेदारी बहुतो रास रोबोट के द' दैत छैक , ऐ रोबोट वर्ग क एकटा सदस्य वाल छैक ,जे कूड़ा निबटाबए क जटिल क्रिया मे व्यस्त रहैत छैक ।अंतरिक्ष मे रहए वला मानव समुदाय विभिन्न प्रक्रिया सँ धरती पर होमए वला परिवर्तन पर नजर राखैत अछि ,ऐ क्रम मे एकटा शटल धरती पर उतरैत अछि आ शटल सँ उतरल अपेक्षाकृत विकसित किस्मक रोबोट 'एव'सँ जुड़ैत अछि ,फिल्म मे दूनू रोबोटक अंत:क्रिया आ जनमैत सिनेह क लेल स्वीकृत सिनेमाई अंदाज अद्भुत आ काव्यात्मक अछि ।एव नामक रोबोटक आगमन धरती पर हरियरी क खोज लेल भेल छैक आ धरती पर हरियरी देखिते एव एकटा छोटछीन गाछ ल के विदा होइत अछि ।एव के साथ वाल सेहो अंतरिक्ष जाइत अछि आ आरामतलब मानव समुदाय क मशीनक विरूद्ध संघर्ष तखन नवीन दिशा ग्रहण करैत छैक जखन अंतरिक्ष स्थित कप्तानक आदेश मानए सँ आटो नामक विशिष्ट रोबोट इंकार क दैत अछि ।
No comments:
Post a Comment